تمنيتك علي تقبل أشوفك مبتسم فرحان
واشوف اهلك يغنوالك ولدروبي يزفونك
وتزيدبقلبي نبضاته ويحمروجهي الخجلان
ويرعش جسمي بقدومك وأقول أمشي على هونك
واملاك السماتحفك بنورالرازق المنان
عليك اسم الله يالغالي وعمت عين اللي يحسدونك
تسابق لجلي خطواتك تجيني محترق لهفان
وأحط يدي على قلبي وأقوله جاك مفتونك
وتفتح طرحتي بيدك وأتوه بسحرك الفتان
ياعمري والله خجلانه وميته بنظره عيونك
يريحني كلامك لي ياماحلاليله العرسان
وتعاهدني بتوفي لي وأعاهدك اني ماأخونك
مضى عمري واناأحلم واضم طيوفه بالاحضان
واسأل ليلى شسويتي بمجنونك
تحقق نصف حلمي بك وشفتك مقبل وفرحاااان
وشفت أهلك يغنوالك وللحلوه يزفونك
خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك
فضحني صوت شهقاتي ورجيت الواحدالديان
يخليهاويقدرني اضمدجرحي من دونك
أشوف شلون تضحك لك وقلبي يشتعل نيران
دعيت الله يهنيهامعاك وتجلي شجونك
وانامنهويهنيني ويداوي قلبي الوجعان
اناونيت يوم اني سمعت اخواني يطرونك
غديت بغبنتي وحنيت وصفت احساسي للجدران
رحلت وربي ماضنيت مصيري غيري تصونك
وناديتك ولالبيت وتخالط شوقي بالهجران
بتنهيده اناترجيت لي ربعي يجيبونك
يقولون أناادفني ذكراه وانسى اللي خان
قسم بالله ماانساك ولوهالكون ينسونك
تروف بحالتي ساره وتحلف والله هوخسران
يواسوني رفيقاتي يقولن كلناعونك كبيره بعين كل ربعي أموت وعزي ماينهان
كذاتخليني اصغرهم مع فلانه يلقونك
انامابي مهرمنك ولاشبكه ولافستان
طموحي احتضن حزنك وازين بالهناكونك
ابيك تكون لي وحدي بديره مابهاسكان
تنومني بوسط عينك وتحلف جسمي بجفونك
غناتي ليه تاخذها وتشمت فيني ا لعدوان
وش اللي ساومك فيهاوصغرشخصي بعيونك
وش اللي موحلوفيني ؟كسرت بخاطري يافلان
خبرعرسك قضى فيني هلكت قليبي بطعونك
مزن ضميتهاوبليت شعرهابمدمعي الهتان
ياعمري خلوالخاله وعساهم مايخلونك
يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك
اسفه والله اسفه مكتوب اهيم بسكه الاحزان
ومكتوب تلقى بنت ناس تعيش بدالي في كونك
ياشين اللحظه ذي والله تمنيت البس الاكفان
واشوف الظلمه في قبري ولابغيري يهنونك
بس ارجوك خذروحي ونادوياهلي الدفان
ابيك تحس بجروحي وبتابوتي
يمرونك
ابيك تشيل تابوتي على كتفك يغصن البان
وتعرف قدري بموتي وتدمع لجلي عيونك
بذاك الوقت ابي امسح دموع الغالي بأكفاني
دموعك اغلى ماعندي يامالك كل وجداني
فراق اهلي وزواجك موت ودمعك موتي الثاني
خلاص ارحمني لاتبكي دخيل الله على شاني
زماني مارحم ضعفي هزم حسي وتحداني
عهد في قبري مانساك تعال وزورني عاني
تعال خليني بحس انك علي ولهان
وبفرح وانا في وسط ترباتي
الإثنين أغسطس 31, 2009 4:36 pm من طرف 
