~*¤ô§ô¤*~عز الله انك ظالم قلب اغلاك~*¤ô§ô¤*~

عز الله انك ظالم (ن) قلب(ن) اغلاك
حافظ عهد ودك ولا هـوب جافيـك

تسمع حكـي هـذا وهـذي وهـذاك
وهرج العواذل لو حكوا مااسمعه فيك

واللي حكا بي قد حكا بـك وحاكـاك
بس متردد اشرح الوضـع مااخفيـك

لك منزل(ن) بالقلب ماهوب يخفـاك
يحق لك تزعل ولك حـق اراضيـك

ياما على نور القمـر كنـت ويـاك
اخذ علومك وايضا(ن) علومي اعطيك

على النقا والطيب من طيب مربـاك
الله يحقق يـا غـلا الـروح امانيـك

مهما تسوي اطلـب الـروح تفـداك
ماهي خسار ة دمعتـي يـوم تبكيـك

تدري وش اللي مستحيل ؟ اني انساك
وان كان تنساني فـلا نيـب ناسيـك

اغيب وابقى عايش بطيـف ذكـراك
ولا اشوفك مقفي (ن) كـل مااجيـك

لكـن فمـان الله والـرب يـرعـاك
تعيـش فـي دنيـاك والله يهنـيـك

وداعتـك تذكرنـي بلحظـة دعـاك
تذكر حبيب (ن) لك من القلب يغليـك