علي اهون اذا ماتوا ولا بنفس السرير رقود

ثلاث سنين وانا اخطط لهذا اليوم يابو سعود
تيسر حالي و جاهز اوفي وعدي بوقته

وفجأه جتني تتعذر تقول تأخرت لـ وعود
وانا مستغرب و اسمع كأني وعدها خنته

حسبت انها تمازحني وتتصنع جفا و صدود
ضحكت بوجهها من قلب مع انها بايخه النكته

وقالت ارضى بالواقع قلبي ماهو المعهود
تغير كل شي صوبك نصيبي ما اظن انته

كنت بيوم محبوبي ولكن ما اظن نعود
وصل من قبل ماتوصل وانا ذاك الصبر عفته

ولكن تكفى صدقني و يشهد ربي المعبود
ترى ما خنتك بغفله ولا كلمته و شفته

صراحه اهلي قالوا لي بانه ولد اصل وجود
وجتني امه بالصورة وبكلمات المدح اخته

سكت و قلت هي فرصه مدام الجود في الموجود
وقالوا كل من حولي علامات الرضا سكته

وانا فكرت دام امه و اخته ما عليهم زود
اكيد اني براضيهم اذا وافقت و اخترته

واراضي اهلي و اخواني مدام ان الفرح مقصود
عطيت الناس انا كلمة ومعاهم وقتي حددته

ولا اقدر اغيرها ترى عند العرب منقود
اوافق واعتذر باكر واقول الراي غيرته


تبي تشرح لي المنقود !، تصدق عاد يابو سعود
تبيني اقتنع وارضى بحال عمري ما عشته

انا ماني بقايلها عسى يفرش ثراها ورود
بعد ماحطمت قلبي وطعم الموت جربته

عسى بفستانها اشواك وفي ثوبه عقارب سود
و نار تحرق الكوشه و تحرق بيتهم حته

و موت بليلة الدخلة يبرد حرتي ياكود
ولا احس انها بحضنه يلامس خد لامسته

علي اهون اذا ماتوا ولا بنفس السرير رقود
ترى صعب علي اتخيل اللي ما تخيلته

عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته

ترى دفنة عديم الذات تلوع حتى كبد الدود
ومن خان العهود ومات تعافه حتى مقبرته

عسى ربي يجازيهم بحبل من مسد ممدود
يعلقهم من اطرافه وفوقه نارٍ و تحته

انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته

مدام الفعل له ردة فعل والله ابشري بردود
بدعي دامني حيٍ وبغرس للدعاء نبته

وبسقيها نزيف القلب و دمع مارحم لـ خدود
وتكبر والثمر ثاري من اللي خانني و صنته

انا نذر علي اكتب و افجر هالقصيد رعود
واسمٍع كل بشر صوتي عجبته ولا زعلته

و اردد للي يسمعني اذا حبيت حط حدود
انا حبيت دون حدود وشوف اللي تكبدته

ثلاث سنين انا ابني و جت صورة بكل برود
خذت مني شقا عمري و حلم قلت حققته

ثلاث سنين انا اخطط لهذا اليوم يابو سعود
وتوافق!!من كلام اخته!وصوره اربـ 4 ـعه فـ x ـي ستـ 6ـه!

هلااااااااااااااااااا والله

مشكوره ورد ع القصيده ومرره روعه وبين كل فتره وفتره اسمعها

وللمزيد تقبلي مروري

رمضان كريم

نورتو صفحتي كــــــــــــــــــــــــــــل الهلا بيكم

يسلموووو على الطرح الجميل والكلمات الراقيه

الله يعطيكي العافيه ولايحرمنا ابداعك

سلمت يمناك

تسلم يداك ورد
بصراحة أنا سمعتها أكثر من مرة
وفي أبيات ما فهمتها الا الحين
يعطيك الف عافية